CHUIR an còmhlan roc Sasannach Radiohead iongnadh air an luchd amharc aig cuirm-ciùil mhòr ann an Glaschu Didòmhnaich sa chaidh nuair a chleachd iad beagan chriomagan Gàidhlig bho Radio nan Gaidheal.
ÀS DÈIDH easaonta a mhair fichead bliadhna eadar trì siostaman sgrìobhaidh eadar-dhealaichte, tha luchd-labhairt na Còrnais (Kernewek) air aontachadh ri aon siostam sgrìobhaidh coitcheann don chànain airson foghlaim agus cleachdaidhean oifigeil.
G
ED a tha comhairlichean Ghallaibh a' cumail a-mach nach eil muinntir an àite ag iarraidh soidhnichean dà-chànanach, tha a' mhòr-chuid den fheadhainn a bhòt ann an cunntas-bheachd air-loidhne anns an John O'Groat Journal air taic a thoirt do shanasan-rathaid dà-chànanach anns an sgìre.
AGUS tha rannsachadh ùr leis an Dr Dòmhnall Uilleam Stiùbhart a nochd anns a' phàipear am Bratach air sealltainn gun robh barrachd dhaoine ann an Gallaibh aig an robh Gàidhlig bho thùs na aig an robh Beurla bho thùs cho anmoch ri toiseach an 19mh linn.
THA ainm ùr air Seirbhis nam Meadhanan Gàidhlig. Bho seo a-mach is e MG Alba (a' ciallachadh "Meadhanan Gàidhlig" Alba) a bhios oirre.
LEIG Mata MacÌomhair dheth a dhreuchd mar chathraiche Bhòrd na Gàidhlig an t-seachdain seo. Thèid cathraiche eadar-amail a thaghadh leis a' Bhòrd gus an tèid cathraiche ùr fhastadh. Is e Art MacCarmaig leas-chathraiche ùr na buidhne.
DH'FHAOIDTE gum faicear seòlaidhean-lìn le .cym (a' Chuimrigh) agus .bzh (a' Bhreatainn Bheag) às dèidh co-labhairt aig ICANN (buidheann-riaghlaidh an eadar-lìn) a cho-dhùin gum bu chòir beachdachadh air a lèithid. Tha iomairt làidir ann an Alba airson .sco fhaighinn ach chan eil iomairt air a bhith ann airson .alba gu ruige seo.
The full article contains 321 words and appears in The Scotsman newspaper.
